صورتك محفورة ف قلبى على مر الزمن
بحبك ومستعدة ادفع حياتى لحبك تمن
ومهما الدنيا اتملت بالحروب وبالفتن
ماليش غيرك انت الوحيد اللى عليا مؤتمن
مالكنى ومالك كل كيانى
ولاعايزة من الدنيا اى حاجة تانى
دا معاك وحدك كل امانى
لكن الدنيا غدارة وكل ماعليها فانى
انا هارفع ايديا بالصلا
وهصعد بقلبى للسما
اشكيلك من الظلم اللى هنا
يارب ارحمنا وارفع عننا
كنيستنا يارب محتاجة ليك
احميها ودافع عنها بأيديك
وان كان حالنا مش بيرضيك ؟
سامحنا ارجوك داحنا مالناش امل غير فيك
ارفع عنا الضيقااااااات
ونجينا من الاضطهااااات
داحنا حملان عايشين وسط غاباااات
ويا رب اجعلنا دايما فى ثباااات
واحمى اطفالنا وشبابنا وكل البنات
ياما عدت علينا ايام كئيبة وصعبة
وشوفنا من الشيطان مليون ضربة
لكننا ثاااابتين يارب فى المحبة
ومنتظرين تيجى وتخطفنا من الغربة
احنا الهنا قوى وجبار
ومش خايفين من حروب ولا من دمار
ولا بنتهاب من ضرب النار
بكره الليل هينتهى وهيظهرنور النهار
وساعتها هنقول اننا مسيحيين بكل النصرة والافتخار
وهنخاف من ايه؟؟دا احنا اولاد يسوع مخلصنا البار
كلمات:شاعرة الشهداء
ناهد فاروق شاروبيم
موضوع: صورتك محفورة ف قلبى 
الخميس مارس 31, 2011 2:04 am