ايه بس اخرتها معاكم؟؟؟؟فهمونا ؟؟
ليه بتحرقو وتهدمو فكنايسنا ...وبتضطهدونا؟؟
احنا عملنالكم ايه؟؟؟ردوعلينا وجاوبونا ؟
احنا عمرنا ما ازيناكم؟؟؟؟انتو ليه دايما بتحبو تأذونا وتقتلونا؟
...انتو حرقتو قلوبنا؟؟يا ناس ارحمونا
كان ايه ذنب ريمون وابانوب وليه منهم تحرمونا؟
ومدحت ومجدى ورامى وغيرهم كتير... قتلتوهم ليه جاوبونا؟
علشان يعنى مسيحيين؟داحنا ربنا علمنا نحب حتى اللى بيعادونا
ايه اللى بيخليكم تتعدو على كنايسنا
وليه كل يوم بتخطفو بنت من بناتنا؟؟
انتو مافيش حاجة فى دماغكم غير اضطهاداتنا؟
عايشين بس.... علشان تسممو علينا حياتنا؟؟
قلبى مع كل ام شهيد بينزف بدل الدموع دم
ربنا يعزيكم.. ويزرع فى قلوبكم الصبر.. بدل من الالم والهم
سامعة صرخة من صندوق شهيد..بتقول يارب انتقم
وصبر قلب امى........ اللى من ضناه اتحرم
لكن مهما حصل:ابواب الجحيم لن تقوى عليها
وبأرواحنا وبدمانا الغالية كلنا هنفديها
دى كنايسنا ...اللى اتربينا على ايديها
وزى ما هى احتضنتنا وعلمتنا..آن الاوان اننا نحضنها ونحميها
من كلمات: شاعرة الشهداء
ناهد فاروق شاروبيم
موضوع: قصيده لشهداء امبابه 
الأحد مايو 08, 2011 1:43 pm